Хүүхэлдэйн театр "Миний хөөрхөн шүдний аялал" жүжгээр “хөшгөө нээнэ”
4-13 насны хүүхэд үзэхэд тохиромжтой “Миний хөөрхөн шүдний аялал" хүүхэлдэйн жүжгийн найруулагчаар М.Ариунтуяа, ерөнхий продюсероор М.Отгончимэг, зураачаар С.Энх-Од, хөгжмийн зохиолчоор С.Батболд нарын уран бүтээлч ажиллажээ
Мэдээллийн алба
Монгол Улсын Хүүхэлдэйн театр шинэ уран бүтээлээрээ “хөшгөө нээх”-ээр болжээ. Тодруулбал, Хүүхэлдэйн театр, “Гүүд нэйборс” олон улсын төрийн бус байгууллагатай хамтран хэрэгжүүлж буй "Миний хөөрхөн шүдний аялал" төслийн хүрээнд Н.Мандалын зохиол "Миний хөөрхөн шүдний аялал" хүүхэлдэйн жүжгийг энэ сарын 25, 26, 27-нд 11:00, 13:00, 15:00 цагт хүүхэд багачууд, эцэг эхчүүдэд тоглох юм байна.
Ташрамд дуулгахад, 4-13 насны хүүхэд үзэхэд тохиромжтой “Миний хөөрхөн шүдний аялал" хүүхэлдэйн жүжгийн найруулагчаар М.Ариунтуяа, ерөнхий продюсероор М.Отгончимэг, зураачаар С.Энх-Од, хөгжмийн зохиолчоор С.Батболд нарын уран бүтээлч ажиллажээ.
