Хууль бусаар загас барьжээ

Дорнод аймгийн Мэргэжлийн хяналтын газрын байцаагчид энэ сарын 3-7-ны хооронд хяналт, шалгалт хийх явцад Чойбалсан сумын нутаг дахь Хөх нуураас хууль бусаар загас барьсан хятад иргэнд 384 мянган төгрөгийн торгууль, 1.296 мянган төгрөгийн нөхөн төлбөр ногдуулжээ.

Тэрээр тус аймгийн нутагт үйл ажиллагаа явуулдаг Шанлун ХХК-ийн ажилтан бөгөөд нуураас 108 мөнгөлөг хэлтэг загас барьсан байжээ. Хууль бусаар барьсан загасыг хурааж, Хэрлэн суманд хүлээлгэн өгсөн байна.