Хууль зүйн яамны харьяа агентлагийн удирдлагууд тус газрын үйл ажиллагаатай танилцлаа

Улсын бүртгэлийн ерөнхий газрын дарга Ц.Пүрэвдорж Хууль зүйн яамны харьяа агентлагийн дарга нарыг өнөөдөр хүлээн авч уулзлаа. Энэхүү уулзалтын зорилго нь Хууль зүйн яамны харьяа агентлагийн дарга нар бүртгэлийн үйл ажиллагаатай танилцаж, харилцан туршлага солилцох явдал юм.

Уулзалтын эхэнд тус газрын удирдлага улсын бүртгэлийн ерөнхий газраас сүүлийн жилүүдэд авч хэрэгжүүлсэн арга хэмжээ, үйл ажиллагаа болоод шинэчлэлийн бодлогын хүрээнд хийсэн, цаашид хэрэгжүүлэхээр төлөвлөж байгаа ажлын талаар дэлгэрэнгүй танилцууллаа. Энэ үеэр агентлагийн дарга нар улсын бүртгэлийн ерөнхий газрын удирдлагуудаас сонирхсон асуултандаа хариулт, мэдээлэл авч, харилцан санал бодлоо солилцсон юм. Харин уулзалтын төгсгөлд агентлагийн удирдлагууд тус газрын гадаад паспортын хэлтэс болон иргэн, хуулийн этгээд, архивын газрын үйл ажиллагаа, үйлчилгээтэй танилцав.