Хуулийн төслөө эргүүлэн татлаа

Иргэний эрүүл мэндийн даатгалын тухай хуулийн шинэчилсэн найруулгын төслийг өнгөрөгч 2012 онд УИХ-ын гишүүн О.Баасанхүү, С.Ганбаатар, Ц.Даваасүрэн, А.Бакей, Ж.Батсуурь, Х.Болорчулуун, Н.Номтойбаяр, Г.Уянга, Б.Бат-Эрдэнэ нарын есөн гишүүн санаачлан боловсруулж өргөн барьсан.

Өнөөдрийг хүртэл хэлэлцүүлгийн шатанд явж байсан тус хуулийн төслийг хууль санаачлагчид буцаан татаж байгаа талаар дөнгөж сая УИХ-ын чуулган дээр УИХ-ын дарга З.Энхболд танилцууллаа.

Хууль санаачлагчид хуулийн төслөө буцаан татсан нь техникийн чанартай арга хэмжээ ажээ. Энэ талаар УИХ-ын дарга "Энэ бол техникийн чанартай арга хэмжээ авч байгаа юм. Би гишүүдэд зөвлөгөө өгсөн. Хуулийг буцаан татаад Засгийн газраас өргөн мэдүүлвэл богино хугацаанд хурдан шийдэгдэнэ" гэсэн юм.