Хуурамч архи худалдан авахгүй байхыг анхааруулав

Баяр наадмын өдрүүдэд хуурамч архи худалдан авахаас урьдчилан сэргийлэхийг цагдаагийн байгууллагаас анхааруулж байна. Өнгөрөгч саруудад хүний эрүүл мэндийг хордуулах, гар аргаар үйлдвэрлэсэн хуурамч архи худалдаалсан хэд хэдэн хэрэг гарсан. Тухайлбал, “Мөнхжин” нэртэй 10 мянга гаруй хуурамч архийг Сүхбаатар дүүргийн нутаг дэвсгэрт худалдаалж байхад нь цагдаагийн албан хаагчид илрүүлсэн. Иймд архи согтууруулах ундаа худалдан авахдаа баталгаат газраас худалдаж авахыг ЦЕГ-аас анхааруулж байна. ЦЕГ-ын Хэвлэл мэдээллийн төвийн мэргэжилтэн Б.Төгсжаргал ингэж ярилаа.