Хуурамч дугаар ашигласан жолооч нарын эрхийг хасч байна

Өнгөрсөн баасан гарагаас эхлэн тээврийн хэрэгслийн улсын дугаарыг тэгш, сондгойгоор нь ялгаж замын хөдөлгөөнд оролцуулах болсон. Гэвч зарим иргэн хуурамч дугаар ашиглан замын хөдөлгөөнд оролцох болжээ.

Даваа гарагаас эхлэн хуурамч болон бусдын автомашины улсын дугаарыг ашиглан замын хөдөлгөөнд оролцсон таван жолоочийг саатуулсан бол өчигдөр ийм төрлийн 14 зөрчлийг илрүүлжээ.

Юутай ч ийм зөрчил гаргасан жолоочдод Захиргааны хариуцлагын тухай хуулийн 25.5 дахь хэсэгт заасны дагуу зургаан сараас хоёр жил хүртэлх хугацаагаар автомашин жолоодох эрхийг нь хасдаг гэдгийг жолооч нар санах хэрэгтэй юм.