Хөвсгөлд тусгаарлагдсан хүн коронавирусээр халдварлаагүй

Хөвсгөл аймгийн онцгой комисс хуралдаж байна. Хуралдааны эхэнд Хөвсгөл аймгийн Эрүүл мэндийн газрын дарга М.Үүрийнбаяр ХӨСҮТ-өөс ирүүлсэн шинжилгээний хариуг танилцууллаа. Шинжилгээний хариу сөрөг гарсан бөгөөд коронавирусний тохиолдол биш болох нь батлагдлаа. Сэжигтэй тохиолдлын иргэний шинжилгээнд А хүрээний Н3N2 илэрсэн байна. Одоогоор тухайн иргэний биеийн байдал хэвийн, ямар нэгэн зовуургүй байна. Энэ иргэнийг 14 хоног тусгаарлан ажиглах юм байна.