Хяналтын камертай явуулын пост ажиллаж байна

Хан-Уул дүүрэг дэх Замын цагдаагийн хэлтсээс Улаанбаатар хотоос хөдөө орон нутаг болон орон нутгаас Улаанбаатар хот руу орж ирж байгаа тээврийн хэрэгслүүдэд хяналт тавих зорилгоор Замын цагдаагийн албаны хяналтын камертай явуулын постыг Яармагийн Авто тээврийн шалган нэвтрүүлэх товчоонд 24 цагаар байрлуулан хяналт шалгалт хийж байна.

Жолооч та бүхэнд өөрийн болон хайртай хүмүүсийнхээ төлөө хамгаалах бүсээ зүүж хэвшүүлэх, хурдны хязгаарыг хэтрүүлэхгүй байх, мөн техникийн бүрэн бүтэн байдлыг хангасан тээврийн хэрэгсэлтэй замын хөдөлгөөнд оролцохыг зөвлөж байна.