Хятад Япон улс дипломат ойгоо тэмдэглэсэнгүй

Хятад Япон хооронд Сенкакү арлын эзэмшлийн асуудлаар дэгдсэн маргаанаас үүдэн хоёр орны хоорондын харилцаанд сэв сууж, улмаар дипломат харилцаа тогтоосны 40 жилийн ойгоо тэмдэглэхээ хойшлуулжээ.

Хятад улс Японы эсрэг байж болох эсэргүүцлийн бүхий л аргыг хэрэглэж байгаа бөгөөд энэ удаад нарийн боовны цехүүдээрээ дамжуулан компанит ажил өрнүүлж эхэлжээ.

Тэд өөрсдийн үйлдвэрлэдэг жигнэмэг, нарийн боовон дээрээ “Өчүүхэн, дорой Япончууд” хэмээх утга бүхий үгийг ханзаар бичжээ.

Үүнийг мэдсэн Япончууд Хятад улсыг арга ядсан бүдүүлэг арга ашиглаж байна хэмээн жигшин зэвүүцэж байгаа тухай эх сурвалжууд мэдээлжээ.