Хятадад их хэмжээний цас орсны улмаас Монгол иргэд саатжээ

БНХАУ-д их хэмжээний цас орсны улмаас Бээжингээс Эрээн рүү зорчиж явсан Монголын иргэд Жин-Тэй тосгоны ойролцоо цасанд боогдож, гурав хоног саатсан байна. Нийтдээ 200 гаруй монгол иргэн цасанд боогдоод байснаас зарим нь Жин-Тэй тосгонд ирсэн байгаа бол зарим нь автобусанд хоноглож байгаа мэдээ байна.

Хятадын талаас цас хоёр долоо хоног үргэлжлэн орно гэж мэдээлж байгаа бөгөөд зарим орон нутгийн замууд цасанд боогдоод байгаа ажээ.