Хятадад орон сууцны барилга нурж, 20 хүн амь насаа алджээ
Өчигдөр өглөө Хятадын зүүн хэсгийн Зейжанг мужийн Вэньжоу хотод орон сууцны 4 барилга нурсны улмаас 20 хүн нас барж, хэдэн арван хүн бэртэж гэмтээд байна. Орон нутгийн цагаар өчигдөр өглөө 4 цагийн үед энэ хэрэг болсон
Мэдээллийн алба
Өчигдөр өглөө Хятадын зүүн хэсгийн Зейжанг мужийн Вэньжоу хотод орон сууцны 4 барилга нурсны улмаас 20 хүн нас барж, хэдэн арван хүн бэртэж гэмтээд байна. Орон нутгийн цагаар өчигдөр өглөө 4 цагийн үед энэ хэрэг болсон бөгөөд аврах албаныхан байшингийн нуранги доороос 26 хүнийг гаргаж эмнэлэгт хүргэснээс 6 нь эсэн мэнд үлджээ.
Нурсан барилгын эсрэг талын байранд оршин суугчдын хэлж байгаагаар уг барилга гэнэт ганхаж, маш хүчтэй дуу чимээ гарч нурсан аж. Нурсан барилгууд нь 1970 онд баригдсан 3-аас 5 давхрын өндөртэй бөгөөд орон нутгийн иргэд өөрсдөө энэ барилгуудыг барьсан болохыг "Бээжин ньюс" уламжиллаа.
Оршин суугчдын хэлж байгаагаар барилга 3 жилийн өмнөөс энд тэндээсээ нурж, цуурч эхэлсэн боловч зарим хэсэгт нь хүмүүс амьдарсаар байжээ. Ялангуяа цагаачид болон бага орлоготой өрхүүд хямд түрээстэй гэсэн шалтгаанаар эдгээр байшинд амьдарч байсан байна.
