Хятадын эдийн засгийн өсөлт сүүлийн таван жилийн доод түвшинд хүрэв

Хятадын эдийн засгийн өсөлтийн хурд дэлхийн санхүүгийн хямралаас хойших хамгийн доод түвшиндээ хүрч саарсан нь тус улсын засгийн газар эдийн засгаа дэмжих арга хэмжээгээ эрчимжүүлж магадгүй гэсэн таамгийг араасаа дагууллаа. Урд хөршийн ДНБ энэ оны 3-р улиралд жилийн өмнөхөөс 7.3%-иар өссөн бол 2-р улиралд өсөлт 7.5%-тай байсан юм. Тодруулбал 3-р улирлын үзүүлэлт нь 2009 оны 3-р сараас хойших хамгийн тааруу дүн гэдгийг эдийн засагчид онцолж байна.