Хятадын гангийн үйлдвэртэй хамтарч ажиллана

Сайншандын аж үйлдвэрийн цогцолбор байгуулж, ган үйлдвэрлэхээр төлөвлөж буй ч энэхүү төслийг хэрэгжүүлэхэд асар их хөрөнгө шаардагдаж байгаа аж.

Албаны эх сурвалжийн өгсөн мэдээгээр Монгол Улс БНХАУ-ын гангийн “Inner Mongolia Baotou Steel Union” компанитай хамтран жилд таван сая тонн бүтээгдэхүүн үйлдвэрлэх хүчин чадалтай гангийн үйлдвэр барихаар болжээ.

Төлөвлөж байгаагаар эл гангийн үйлдвэрийг гурван жилийн хугацаанд барьж дуусгах бөгөөд энэ асуудал хэлэлцээрийн түвшинд явж байгаа юм.