Хятадын төлөөлөгчидийг хүлээн авлаа

Манай улсад ажлын айлчлал хийж байгаа БНХАУ-ын Бүх хятадын Ардын улс төрийн зөвлөлдөх зөвлөлийн үндэсний хорооны гадаад харилцааны дэд дарга Ван Гуо Чинийг УИХ-ын дэд дарга Энхболд өнөөдөр хүлээн авч уулзлаа.
Мөнхийн хөрш манай 2 орны харилцаа хамтын ажиллагаа стратегийн түншлэлийн хэмжээнд хүрсэнийг уулзалтын үеэр талууд онцоллоо. Сүүлийн жилүүдэд хоёр орны харилцаа хамтын ажиллагаа бүхий л салбарт өргөжин тэлж байгааг УИХ-ын дэд дарга З.Энхболд тэмдэглэлээ. БНХАУ-ын Бүх Ардын улс төрийн зөвлөлдөх зөвлөлийн үндэсний хорооны гадаад харилцааны дэд дарга Ван Гуо Чин монгол хятадын харилцааг онцлон тэмдэглээд найрсаг дотноор хүлээн авсанд гүн талархалаа илэрхийллээ