Хятадын зарим муж ган гачигт нэрвэгдсээр байна

Хятадын баруун-өмнөд Гуйжоу мужийн 17 сая гаруй оршин суугч энэ зуны туршид ган гачигт нэрвэгдсээр байгааг Хятадын Синьхуа агентлагаас мэдээллээ. Ган гачиг 1 сая гаруй га бүхий тариалангийн талбайд хохирол учруулсан байна. Гай гамшгийн улмаас учирсан хохирол 9,5 тэрбум юань (1,5 тэрбум доллар)-аас давжээ. Ойрын гурван өдөр тус мужийн хэдэн бүсэд хур тундастай байх төлөв байгаа ч энэ нь удаан үргэлжлэхгүй бөгөөд цаашид гантай байсаар байх тухай мэргэжилтнүүд хэлж байна.