Киев, Москвагийн хэлэлцээ болно
Украины төлөөлөгчдийн гишүүн Давид Арахамия “Беловежийн ойд хэлэлцээ болно гэсэн мэдээлэл бодит үнэнд нийцэхгүй. Хэлэлцээ үнэхээр болох ч өөр газар хийнэ. Илүү дэлгэрэнгүй мэдээллийг сүүлд өгнө” хэмээн фэйсбүүк хуудсаараа дамжуулан мэдээлсэн байна.
Мэдээллийн алба
Киев, Москвагийн хэлэлцээ болно. Гэхдээ Беларусийн Беловежийн ойд биш, өөр газарт болно гэдгийг Украины талаас мэдээллээ.
Украины төлөөлөгчдийн гишүүн Давид Арахамия “Беловежийн ойд хэлэлцээ болно гэсэн мэдээлэл бодит үнэнд нийцэхгүй. Хэлэлцээ үнэхээр болох ч өөр газар хийнэ. Илүү дэлгэрэнгүй мэдээллийг сүүлд өгнө” хэмээн фэйсбүүк хуудсаараа дамжуулан мэдээлсэн байна.
Тэгвэл Оросын тал хоёр улсын хэлэлцээний хоёр дахь үе шатыг явуулахаар өмнө нь тохиролцсон Беловежийн ойд ирсэн гэх мэдээлэл байна. Оросын талын төлөөлөгчдийн тэргүүн Владимир Мединский Беларусийн энэ бүсэд ирэхдээ, Украины төлөөлөгчдийг энэ сарын 3-нд хүлээнэ гэдгээ мэдэгджээ. Мөн Беларусийн ГХЯ-наас Киев, Москвагийн ээлжит хэлэлцээнд оролцогчдыг Беловежийн ойн “Анчны байшин” нэртэй газар хүлээн авна гэж зарласан байна. Харин эдгээр мэдэгдлийн хариуд Киевийн талын төлөөлөгчдийн нэг, Украины Ерөнхийлөгчийн захиргааны зөвлөх Михаил Пололяк яриа хэлэлцээ бодитоор эхлэхийг хүлээхийг уриалсан байна. “Хоёр дахь талынхан хэлэлцээрийн ширээнд суугаагүй байхад бодит хэлэлцээ болно гэдэг эргэлзээтэй” гэж тэрбээр мэдэгджээ.
Украинтай хийх хэлэлцээнд Оросын талаас өмнөх хэлэлцээний бүрэлдэхүүнд багтсан хүмүүс оролцож байна.
Орос Укрины эхний хэлэлцээ өнгөрсөн хоёрдугаар сарын 28-нд Беларусийн Гомель мужид болж, 5 цаг үргэлжилсэн ч ямар нэгэн тохиролцоонд хүрч чадаагүй юм.
