Ким Жөн Уны гэргий олны өмнө дахин ил гарлаа

Ардчилсан Солонгосын Удирдагч агсан КимЧенИрийн мэндэлсний баяр өнгөрсөн мягмар гарагт тохиосон. Энэ баярт зориулсан урлагийн тоглолтыг удирдагч КимЖөнУн гэргий Ли Соль Жугийн хамтаар үзэж буйг харуулсан цуврал зургуудыг Умард Солонгосын KCNA агентлаг нийтэлсэн байна.

Үүнээс өмнө 2020 оны 1 дүгээр сарын 26-нд буюу одоогоос жилийн өмнө Ли Соль Жугийн зургийг Өмнөд Солонгосын хэвлэл харуулж байсан юм. Нэг жил гаруйн хугацаанд олон нийтийн өмнө үзэгдээгүй Умард Солонгосын тэргүүн хадагтай дахин ийнхүү ил гарчээ.