“Конг-рэй” хар шуурга Японы Окинава мужийг дайран өнгөрөхийг анхааруулж байна

7 хоногийн дотор 2 дахь нь болох хүчтэй хар шуурга өнөө оройноос эхлэн Японы Окинава мужийг дайран өнгөрөх гэж байгаатай холбоотойгоор цаг уурчид урьдчилсан сэргийлэх мэдээллийг иргэддээ өгч байна. Тодруулбал төвдөө 144 км цагийн хурдтай энэ хар шуургыг дагалдаж хүчтэй аадар бороо орж, хөрсний гулгалт үүсч болзошгүйг анхааруулж байна.

Энэ жилийн 25 дахь нь болох Конгрэй хар шуурга ойртон ирж байгаатай холбоотойгоор Окинаваг бусад муж хотуудтай холбох 214 нислэгийг цуцалсан байна. Одоогоор хар шуурга Миякодзима арлаас 340 кмийн зайд байгаа юм байна.

Конгрэй хар шуурганаас өмнө Японы нутгаар Трами нэртэй хар салхи дайран өнгөрсний уршгаар 4 хүн амь насаа алдаж 200 гаруй хүн гэмтэж бэртсэн билээ.