Коронавирусийн халдвараас урьдчилан сэргийлэх зөвлөмж

Коронавирусийн халдвараас урьдчилан сэргийлэх зөвлөмжийг хэрэгжүүлээрэй.

• Шинэ Коронавирусийн халдварын талаар эрүүл мэндийн байгууллага (www.mohs.mn; https://www.facebook.com/www.mohs.mn/; https://www.facebook.com/eocmohs/ )-аас өгч байгаа сэрэмжлүүлэг, зөвлөмжийг мөрдөх, олон нийтийн сүлжээгээр гарч байгаа буруу ташаа мэдээлэлд автахгүй байх

• Өвчлөл бүртгэгдсэн улс, орнуудад аль болох зорчихгүй байх

• 14 хоногийн дотор өвчлөл бүртгэгдсэн дээрх улс орнуудад зорчсон хүн өндөр халуурах, ханиалгах, амьсгалахад хүндрэлтэй болох зэрэг шинж тэмдэг илэрвэл амны хаалт зүүж, эрүүл мэндийн байгууллагад яаралтай хандах

• Амны хаалт тогтмол зүүж хэвших

• Гараа тогтмол савандаж угаах

• Ханиаж, найтаахдаа ам, хамраа алчуураар дарах, эсвэл шууны дотор тал руу ханиах

• Бага насны хүүхдийг олон нийтийн газраар дагуулж явахгүй байх

• Биеийн дархлаа сайжруулах амин дэм хэрэглэх зэргийг зөвлөж байна.