Коронавирусийн халдвараас үүдэн боксын олимпын эрх олгох тэмцээн цуцлагдлаа
коронавирусийн халдвар гарсны улмаас Олон улсын олимпын хороо(ОУОХ) болон БНХАУ-ын олимпын хорооноос дээрх тэмцээнийг цуцалсан байна
Мэдээллийн алба
"Токио-2020" Зуны XXXII олимпын наадмын эрх олгох, боксын спортын Ази, Номхон далайн бүсийн тэмцээн БНХАУ-ын Ухань хотноо ирэх сарын 3-14-нд зохион байгуулагдах гэж байсан. Тэгвэл Ухань хотод коронавирусийн халдвар гарсны улмаас Олон улсын олимпын хороо(ОУОХ) болон БНХАУ-ын олимпын хорооноос дээрх тэмцээнийг цуцалсан байна.
Түүнчлэн олимпын наадмын эрх олгох, боксын спортын Ази, Номхон далайн бүсийн тэмцээнийг ирэх гуравдугаар сарын 3-11-нд өөр хотод зохион байгуулахаар нягталж байгаа талаар ОУОХ мэдэгдлээ.
Харин боксын олимпын эрх олгох, Африк тивийн тэмцээн хуваарийн дагуу ирэх сарын 20-29-нд Сенегал улсын Дакар хотноо зохион байгуулагдана.
