Коронавирусний тандалт, илрүүлэг шинжилгээнд 10 946 хүн хамрагджээ

Нийслэлийн хэмжээнд өнгөрсөн 24 цагийн хугацаанд 10946 хүн коронавирусний тандалт, илрүүлэг шинжилгээнд хамрагдлаа. Шинжилгээний 25 төв, тандалтын 17 багт 261 эмч, эрүүл мэндийн байгууллагын мэргэжилтнүүд ажилласан. Өнөөдрийн байдлаар шинжилгээнд нийт 398068, ПСР-ийн шинжилгээнд 327467 хүн хамрагдаад байна.

Нийслэлийн Онцгой комиссоос мэдээлж буйгаар коронавирусний халдварын ойрын хавьтал 2606, дам хавьтлын 20772 иргэн байгаа аж.