"Ковид-19" халдварын эсрэг 694 резидэнт эмч нэмэлтээр ажиллаж эхэллээ

Эрүүл мэндийн сайдын тушаалаар нийслэлийн хэмжээнд коронавируст /Ковид-19/ халдварын хариу арга хэмжээний үйл ажиллагаанд нийт 694 резидент эмчийг дайчлан ажиллуулж эхэллээ.

Эмч нар коронавирусний халдварын эсрэг дархлаажуулалтын цэг, тандалтын баг, гэрийн тусгаарлалт хяналтад ажиллах юм.

Эрүүл мэндийн салбарынхан халдварт цар тахлын эсрэг хүн хүч дутагдалтай, ачаалал өндөртэй ажиллаж байгаа энэ цаг үед нарийн мэргэжил эзэмшихээр суралцаж буй залуу эмч нар шинжилгээ, дархлаажуулалтын ажилд хүч нэмэн ажиллаж байна.