Краны сум ачааны машин дээр унаж нэг хүн нас баржээ

Баянгол дүүргийн 20 дугаар хорооны нутаг дэвсгэрт үйл ажиллагаа явуулдаг “Жагоб” ХХК-ийн хашаанд “КАМАЗ” загварын автокранаар ачаа өргөж байхад сум нь хүрднээсээ мултарч, ачааны автомашин дээр унаж машины жолооч нас барсан байна.

Уг ослын дуудлагыг Онцгой байдлын газарт хүлээн авч, нийслэлийн Онцгой байдлын газрын долоон албан хаагч ажиллаж, цогцсыг гарган дүүргийн Цагдаагийн хоёрдугаар хэлтсийн жижүүрийн бүрэлдэхүүнд хүлээлгэж өгчээ. Хэргийг Баянгол дүүрэг дэх цагдаагийн II хэлтэст шалгаж байна.