Кызылд Тува шатрын тэмцээн үргэлжилж байна
Харин Буга шыдыраа нь тулаан гэхээсээ илүү ан агнууртай ижил. Сүүлийн үед мартагдсан уламжлалт энэ шатрыг энэ жил Цагаан сараас эхлэн сэргээх их ажил эхэлжээ.
Мэдээллийн алба
Уламжлалт Цагаан сарын баярын өмнө ОХУ-ын Тувагийн Кызылд Тува шатрын тэмцээн хоёр дахь үргэлжилж байна.
Тувад Хол шыдыраа, Буга шыдыраа гэсэн хоёр төрлийн шатартай. Хол шыдыраа нь Энэтхэгийн сонгодог шатартай төстэй, зарим нүүдэл нь л өөр аж. Тодруулбал, дайн байлдаан хийж, газар нутаг эзлэх дүрэмтэй юм байна.
Харин Буга шыдыраа нь тулаан гэхээсээ илүү ан агнууртай ижил. Сүүлийн үед мартагдсан уламжлалт энэ шатрыг энэ жил Цагаан сараас эхлэн сэргээх их ажил эхэлжээ.
Тувагийн шатрын холбооны гишүүн Владимир Бузыкаев “Манай шатар тувачуудын ан агнуур гэх мэт аж ахуйг маш сайн тодотгон гаргаж өгдөг. ЗХУ-ын үед Буга шыдырааг алс хөдөө аймагт л хааяа нэг хардаг байсан бол одоо сургууль, цэцэрлэгт заадаг болсон. Бид улам хөгжүүлэх болно” гэж ярьсан байна.
