Л.Сосорбарам Швейцарын жүдоч Фабьен Кочерт ялагдлаа
Л.Сосорбарам бүтэн 3 минут гаруй хугацаанд илүүрхсэн ч барилдаан дуусахад 32 секунд дутуу байхад хариу мэхэнд орж вазари үнэлгээ алдсанаар барилдааны цаг дуусах мөчид ялагдлаа
Мэдээллийн алба
“Токио – 2020” олимпын жүдо бөхийн эмэгтэйчүүдийн 52, эрчүүдийн 66 кг жингийн урьдчилсан шатны барилдаанууд 10:00 цагт эхэлсэн бөгөөд медалийн төлөөх барилдаан 16:00 цагт үргэлжилнэ.
Өнөөдөр Ё.Басхүү, Л.Сосорбарам нарын Монголын хоёр жүдоч татамид гарч Л.Сосорбарам эхний учраа Узбекистаны Д.Келдиороваг өчих мэхээр цэвэр ялж, гараагаа сайн эхэлсэн.
Ийн дараагийн барилдаанаа энэ жилийн ДАШТ-ий хүрэл медальт Швейцарын Фабьен Кочертой хийлээ. Фабьен Кочер 57 кг-д барилдаж байгаад жин бууж 52 кг-д барилдаж байгаа жүдоч юм.
Уг барилдаанд Л.Сосорбарам бүтэн 3 минут гаруй хугацаанд илүүрхсэн ч барилдаан дуусахад 32 секунд дутуу байхад хариу мэхэнд орж вазари үнэлгээ алдсанаар барилдааны цаг дуусах мөчид ялагдлаа.
