Лениний хөшөөг буулгажээ

Украйнчуудын Оросын харьяалалд орохгүй гэх тэмцэл улам хүчээ авч эхэллээ. Үүний илэрхийлэл болгож өнгөрөгч амралтын өдөр Украйны Харьков хотын төв талбайд байрлах Лениний хөшөөг буулгасан байна. Энэ нь Украинд нурж буй Лениний гурав дахь хөшөө юм. Хөшөөг буулгах үеэр нэг хүн толгойдоо гэмтэл авчээ.

Харьков мужийн захирагч хөшөөг буулгах тушаалд гарын үсэг зурсан гэх боловч цагдаа нар энэ хэрэгт соёлын өвийг сүйтгэсэн хэмээн хэрэг үүсгэн мөрдөн шалгаж эхэлснийг Украйны хэвлэлүүдэд мэдээлж байна.