Лүн-Дашинчилэн чиглэлийн замыг засварлаж байна

Төв аймгийн Лүн сумын нутаг Лүн-Дашинчилэн чиглэлийн А/27 дугаартай авто зам сэтэрч, замын хөвөө усанд угаагдаж, зорчих хэсгийн 1 эгнээгээр тээврийн хэрэгсэл зорчих боломжгүй болсныг бид өмнө мэдээлсэн.

Тэгвэл тус авто зам хариуцсан "Хөвчийн зам" ХХК-тай хамтран 2021 оны наймдугаар сарын 22-ны өдрийн 15 цаг 30 минутийн байдлаар дайрга асгаж зорчих хэсгийг өргөсгөн, хөдөлгөөнийг нэг талын урсгалаар зохицуулалт хийн ажиллаж байна.

Иймд иргэд та бүхэн хүлээцтэй, тэвчээртэй хандан урсгал сөрөхгүй, зохицуулагчийн дохиогоор зорчихыг анхааруулж байна.