М.Анхцэцэг захиалгаа өглөө
Энэ бол медалийн төлөөх өрсөлдөөн. Франц, АНУ, БНХАУ, Доминикан, Венесуэл, Эквадор, Молдавын туйванчидтай бяр тэнхээ, оюун ухаанаа сорино.
Мэдээллийн алба
“Токио-2020” олимпын наадмын хүндийг өргөлтийн тэмцээн “Tokyo international forum”-d болж байна. Тус олимпын эмэгтэйчүүдийн 87 кг-ийн жинд Монгол Улсын гавьяат тамирчин Мөнхжанцангийн Анхцэцэг “А” хэсэгт хүчээ үзэж байна.
Энэ бол медалийн төлөөх өрсөлдөөн. Франц, АНУ, БНХАУ, Доминикан, Венесуэл, Эквадор, Молдавын туйванчидтай бяр тэнхээ, оюун ухаанаа сорино.
Манай улсын тамирчин Ц.Хосбаяр багшийнхаа хамт эхний оролдлогын захиалгаа огцомд 108 кг, түлхэлттэй өргөлтөөр 138 кг-аар өглөө.
Эхний оролдлогын захиалгыг харахад огцомд хоёр (БНХАУ, Доминикан), түлхэлттэйд мөн хоёр (БНХАУ, Эквадор) тамирчин манайхаас өндөр захиалга өгсөн байна.
Энэ хэсгийн найман тамирчин огцом, болон түлхэлттэйд өргөлтөөр тус тус гурван оролдлого хийж, хамгийн өндөр онооны нийлбэр дүнгээр олимпын медальтан тодорно.
