Мал сүргийн тоо толгой өсөхийн хэрээр орон нутагт бэлчээрийн даац хэтэрч байна

Мал сүргийн тоо толгой өсөхийн хэрээр орон нутагт бэлчээрийн даац хэтэрч байгааг аймгуудын удирдлагууд анхааруулж байна. 2010 онд хийсэн судалгаагаар манай улсын нийт бэлчээр нутгийн тал нь 50 хүртэлх хувийн бэлчээрийн нөөцтэй байна.

Харин нийт бэлчээрийн 10 хувь дахин ашиглах боломжгүй болсон гэсэн дүн гарчээ. Энэ талаар "Одооноос эхлэн малын тоо толгойг бэлчээрийн нөөцдөө тулгуурлан барих хэрэгтэй. Нөгөө талдаа малыг эдийн засгийн эргэлтэнд оруулах боломж нөхцөлөөр малчдаа хангах хэрэгтэй" гэж Ховд аймгийн Засаг дарга Д.Цэвээнравдан хэллээ.