Мал угаалгын суурин ванныг Улсын комисс хүлээн авч ашиглалтад орууллаа

НҮБ-ын ХААХОУС-ын Зах зээл ба бэлчээрийн удирдлагын хөгжил төслөөс 70 хувь, Дундговь аймгийн Орон нутгийн хөгжлийн сангийн 30 хувийн хамтарсан санхүүжилтээр Өлзийт, Өндөршил сумдад мал угаалгын хоёр ванныг “Юу Би Жи” ХХК гүйцэтгэж Улсын комисст хүлээлгэн өглөө.

Мал угаалгын ванныг ашиглалтад оруулснаар тус сумдын мал эмнэлгийн нэгжийн үйл ажиллагаанд дэмжлэг болохоос гадна малын эрүүл мэндийг хамгаалах, халдварт өвчнөөс урьдчилан сэргийлэх үйл ажиллагаанд чухал хэрэгцээтэй хөрөнгө оруулалтын ажил юм гэж Дундговь аймгийн Засаг даргын Тамгын газраас мэдээллээ.