“Малчдын орон сууц хөтөлбөр”-ийг боловсруулж эхэллээ

Үйлдвэр, хөдөө аж ахуйн яамнаас малчин өрхийн амьдрах орчныг сайжруулах чиглэлээр “Малчдын орон сууц хөтөлбөр”-ийг боловсруулж эхэллээ.

Монгол Улсад 146 мянган өрх мал аж ахуй эрхэлж байгаа гэсэн статистик байдаг. ҮХААЯ-ны судалгаагаар нийт малчин өрхийн 61 хувийг 200-1000 малтай өрх бүрдүүлж байгаа гэсэн тооцоо гарчээ.

200 тоо толгой малтай өрх жилд дунджаар 4.8 сая төгрөгийн орлоготой бол мянган малтай айл жилдээ 51.6 сая хүртэлх төгрөгийн ашиг хүртдэг байна.

Тэднийг үл хөдлөх хөрөнгөтэй болгоход орлого нь хангалттай гэж үзэж байгаа учир энэхүү хөтөлбөрийг боловсруулжээ.