Малчид бэлчээрээ доройтуулвал хариуцлага хүлээнэ

Малчид өөрсдөө бэлчээрээ эзэмшиж доройтуулсан тохиолдолд хариуцлага хүлээдэг болно. Тодруулбал Хүнс, хөдөө аж ахуйн яамгаас боловсруулсан Бэлчээрийн тухай хуулийн төсөлд малчид бэлчээрээ хамгаалах, сэлгэх, нөхөн сэргээх, ашиглах, эзэмших эрхтэй гэж тусгасан. Нөгөөтэйгүүр эргээд доройтуулсан тохиолдолд хариуцлага хүлээх байдлаар заажээ.

Ийм хуультай болсноор доройтсон бэлчээрийг нөхөн сэргээх, бэлчээрийн даац хэтрэх зэргээс сэргийлэх ач холбогдолтой юм. Түүнчлэн малчид өөрсдөө бэлчээрээ эзэмшихээр бэлчээр сэлгэлтээ тогтмол хийж, бусад малчдад тодорхой төлбөртэйгээр ашиглуулах боломжтой юм.