Малчид бэлчээрээ цэвэрлэж байна

Дундговь аймгийн Эрдэнэдалай сумын малчид өвөлжөө бууц, ойр орчмын бэлчээрээ цэвэрлэжээ. Тэд байгальд уусдаггүй уут, лааз, шил зэрэг 20 гаруй тонн хог түүсэн байна. Ийнхүү хогоо цэвэрлэх санаачлагыг малчид тавдугаар ангийн сурагчдын гаргасан “Хоггүй цэвэрч сум” болох хүсэлтийн дагуу хийсэн бөгөөд одоог хүртэл цэвэрлэгээний ажил үргэлжилж байгаа юм.

Өнгөрсөн долоо хоногт эхэлсэн бэлчээрийн цэвэрлэгээгээр цугласан хогийг малчид ангилж янзалж байгаа ажээ.