Малчид нэгдэж, малын хулгайтай тэмцэж байна

Малчид айл хөршөөрөө нэгдэн мал хулгайлах гэмт хэргээс сэргийлж байна. Зарим аймгийн мал бүхий иргэд малаа бэлчээхдээ ээлжээр байнгын хариулагатай байлгадаг. Баг сумаараа нэгдэн “Малчдын бүлэг” байгуулан хоорондоо мэдээлэл солилцдог байна. Үүний үр дүнд малын хулгайн гэмт хэрэг буурч байгаа гэж Төв аймгийн Аргалант сумын иргэн Г.Нармандах, Лүн сумын иргэн Б.Гомбосүрэн нар ярьж байна.

Аймаг орон нутгийн удирдлагууд болон цагдаагийн албан хаагчид малчидтай хамтран аймаг дамнасан мал хулгайлах гэмт хэргээс урьдчилан сэргийлэж байгааг малчид хэлж байна.