Малтай иргэдэд оюутнууд 200 ширхэг нэмнээ өглөө

Сүхбаатар дүүргийн Засаг даргын Тамгын газраас мал аж ахуй эрхлэх зөвшөөрөгдсөн бүс Ногоон толгой, Нарийны хэсэгт хаваржиж буй иргэдтэй уулзалт хийлээ. Энэ уулзалтаар Монгол улсын Засгийн газраас хэрэгжүүлж буй Монгол мал үндэсний хөтөлбөр, нийслэлийн Эрчимжсэн мал аж ахуйн хөгжлийг дэмжих дэд хөтөлбөр, Ногоон тэжээл тариалах төслүүдийг танилцуулж, эдгээр төсөл, хөтөлбөрт хамрагдах санал, хүсэлтийг нь сонсон юм. Мөн энэ үеэр оюутнууд санаачлан малчдад сэтгэлийн дэм өгөх зорилгоор өөрсдийн гараар оёсон 200 ш нэмнээг өгөв.