МАН-ын Бага хурлаас МАХН-тай эвсэх эсэхийг шийдвэрлэнэ

Монгол Ардын Намын Бага хурлын IV хуралдаан өнөөдөр Тусгаар тогтнолын ордны Их танхимд эхэллээ. Энэ удаагийн Бага хурлаар МАН-ын 2016 оны УИХ-ын сонгуульд оролцох мөрийн хөтөлбөрийг эцэслэн батлах аж. Энэ мөчид тус МАН-ын Бага хурлын IV хуралдаан 73 хувийн ирцтэйгээр хаалттай явагдаж байна.

Үдээс хойш Бага хурал түр завсарлаж, МАН-ын Удирдах зөвлөл хуралдана. Дараа нь тус Бага хурал үргэлжлүүлэн хуралдаж, ирэх сонгуульд МАХН-тай эвсэж орох эсэх асуудлыг хэлэцэх юм.