Манай гарагийн хамгийн эртний ресторан 1725 онд анх нээгдэж байжээ

Испани улсын хамгийн эртний түүхтэй зоогийн газруудын нэг болох Ботины ресторан дэлхийн Геннисийн номонд хамгийн эртний ресторан гэдэг нэрээр өнгөрөгч 2016 онд бүртгэгджээ. Хамгийн амттай Кончинио буюу тооройн шарсан махыг бараг 300 жилийн настай эртний шарах шүүгээнд шарж, үйлчилдгээрээ алдаршсан энэ газрын хувьд анх 1590 онд зочид буудлын зориулалтаар нээгдсэн ч, 1725 онд Францын тогооч Жеан Ботин худалдан авч, зоогийн газар болгосон түүхтэй. Цагтаа энэ зоогийн газраар алдарт зохиолч Эрнест Хэмингуйэ үйлчлүүлэх дуртай байснаас гадна нэрт зураач Франциско Де Гойя ажиллаж байжээ.

Орчин үед хоолны газрууд цахилгаан зуух ашиглах болсон ч Ботины зоогийн газар одоог хүртэл өөрийн эртний зуухаа ашигладаг байна. Хамгийн эртний зоогийн газар нэрээр Гиннесийн номонд орохын тулд, ресторан үүсгэн байгуулсан цагаасаа хойш байрлалаа солиогүй, нэрээ өөрчлөөгүй, ямар ч нөхцөл байдлыг үл харгалзан байнга нээлттэй байж, ийнхүү дээд амжилт тогтоожээ.

Испанийн нийслэл Мадрид хотын тэргүүлэх газруудын нэг болох Ботины рестораны бусдаас ялгарах бас нэг онцлог бол хамгийн ховор дарсны цуглуулгаас өөрийн үйлчлүүлэгчиддээ санал болгодог аж. Ботины зоогийн газрыг Жеан Ботиноос хойш 3 үе дамжсан гэр бүлийн эзэмшил юм. Одоо ах дүүс болох Карлос, Хосе, Антонио нар эзэмшин ажиллуулж байна.