Манай улсад бэлчээрийн талхлалт өндөр хувьтай байна

Мал аж ахуйн эрдэм шинжилгээний хүрээлэнгийн эрдэмтдийн судалгаагаар бэлчээрийн газрын долоон хувь нь нэн хүчтэй, харин 73 хувь нь хүчтэй талхлагдсан гэсэн дүгнэлт гарчээ. Мэргэжлийнхэн үүнийг уур амьсгалын өөрчлөлт, уул уурхайн үйл ажиллагаатай холбон тайлбарлаж байна.

Түүнчлэн малчид малын тоо толгой, сүргийн бүтцээс үл хамааран бэлчээрийн газрыг үнэ төлбөргүй ашиглаж байгаа нь зөв зохистой ашиглах, хамгаалахад сөрөг нөлөө үзүүлж байгаа юм. Тэгвэл бэлчээрийн тухай бие даасан хууль гаргах шаардлага үүсч байна. Тус хуулийн төслийг салбарын яам боловсруулж эхэлжээ.