Манай улсад ял эдлэж байсан ОХУ-ын гурван иргэнийг шилжүүлжээ

Манай улс ОХУ-тай эрх зүйн харилцан туслалцаа үзүүлэх гэрээ байгуулан хамтран ажиллаж буй. Уг гэрээний хүрээнд Монгол Улсад ял эдлэж буй ОХУ-ын гурван иргэний үлдсэн хугацааны ялыг эх оронд нь шилжүүлэн эдлүүлэхээр болжээ.

Гадаад харилцаа, эдийн засгийн хамтын ажиллагааны яамны Консулын газрын мэдээлснээр дээрх гурван иргэнийг ОХУ-ын холбогдох байгууллагад хүлээлгэн өгөх ажиллагааг өнөөдөр Хууль зүйн яам, ШШГЕГ, Тахарын ерөнхий газартай хамтран зохион байгуулсан байна.