Мандал сумын III сургууль спорт тоглоомын талбайтай болжээ

Сэлэнгэ аймгийн Мандал сумын "Эко" гуравдугаар сургууль дотоод нөөц бололцоогоо ашиглан багш, сурагчдынхаа дэмжлэгтэйгээр спорт тоглоомын талбайтай болжээ. Уг талбайг барьж байгуулахад "Дэлхийн зөн" олон улсын байгууллага, сургуулийн захиргаа, Ж.Мөнхбаяр багштай 12а ангийн хамт олон, эрэгтэй багш, ажилчид ихээхэн зүтгэл гаргасан аж.

Сурагчид тоглоомын талбайнхаа нээлтийн үйл ажиллагаанд зориулан сагсан бөмбөгийн тэмцээнийг насны ангиллаар зохион байгуулжээ.