Марафонч Б.Мөнхзаяа 45 дугаар байрт орлоо

"Токио-2020" зуны XXXII олимпын наадмын хөнгөн атлетикийн эмэгтэй марафоны төрөл өнөөдөр Саппоро хотод эхэлж, марафончид бариандаа орлоо. Тус олимпын эмэгтэй марафон гүйлтэд Монголын тамирчин Б.Мөнхзаяа хурд хүч, тэсвэр тэвчээрээ сорьсон билээ.

Ийн Монгол Улсаа төлөөлөн олимпод оролцож буй марафонч Б.Мөнхзаяа 42 км замыг туулан дэлхийн шилдэг 88 марафончоос 45 дугаар байр (2:37:08)-т шалгарлаа.

Сонирхуулахад, Зохион байгуулагчид гүйлт эхлэх хугацааг нэг цагаар урагшлуулж, өглөөний 06:00 цагт /Улаанбаатарын цагаар 05:00 цагт/ эхлүүлсэн юм. Учир нь Саппород хотод урьд өмнөх жилүүдээс илүү халж байгаа учир тамирчдыг эрсдэлээс хамгаалах зорилгоор тус шийдвэрийг гаргажээ.