Маргааш нийтийн тээвэр өглөөний 06.45 цагаас үйлчилгээнд гарна

Улсын Их Хурлын болон Аймаг, нийслэлийн ИТХ-ын 2016 оны ээлжит сонгуулийн санал авах өдрийг бүх нийтийн амралтын өдөр болгон зарласан билээ. Үүнтэй холбогдуулан нийслэлийн Тээврийн газраас нийтийн тээврийн үйлчилгээнд өөрчлөлт оруулжээ.

Тодруулбал, иргэд саналаа хэвийн өгөх нөхцөл бололцоог бүрдүүлэх, иргэдийг нийтийн тээврээр найдвартай хангах үүднээс нийтийн тээврийн үйлчилгээнд амралтын өдрүүдийн гаралтын тоогоор буюу 662 автобус ажлын өдрүүдийн цагаар буюу өглөөний 06.45 цагаас оройны 22.30 цаг хүртэл ажиллана.