Машины дугуй хулгайлсан бүлэг этгээдийг илрүүлжээ

Сонгинохайрхан дүүргийн 27 дугаар хорооны нутаг дэвсгэрт иргэн Д-ийн эзэмшлийн “Prius” маркийн автомашины дөрвөн дугуйг оршин суух хаяггүй, тодорхой эрхэлсэн ажилгүй иргэн Г, П, Г нар нь тээврийн хэрэгсэл ашиглан бүлэглэн хулгайлж байжээ. Хэрэг энэ сарын 11-12-н; шилжих шөнө үйлдэгдсэн бөгөөд ЦЕГ-ын “Сургалт, дадлагын төвийн Албаны морь, нохойн хэсгийн эрэлч нохойн туслах төлөөлөгч, цагдаагийн ахлах ахлагч М үйлдэл дээр нь илрүүлж ажилласан байна. Хулгайч нарын арга нарийсч, тээврийн хэрэгсэлтэй хулгай хийдэг болсон тул иргэд анхаарал болгоомжтой байж тээврийн хэрэгслээ хараа хяналттай газар байрлуулахыг Цагдаагийн газраас анхаарууллаа.