Мэргэжлийн сургалт үйлдвэрлэлийн төвд оёдлын тоног төхөөрөмжийн дэмжлэг үзүүлэв

Говь-Алтай аймаг дахь Мэргэжлийн сургалт үйлдвэрлэлийн төвийн сургалт, дадлагын материаллаг баазыг сайжруулах зорилгоор орон нутгийн төсвийн нийт 42 768 300 /дөчин хоёр сая долоон зуун жаран найман мянга гурван зуун/ төгрөгийн тоног төхөөрөмжийг хүлээлгэж өглөө.

"Оёмол бүтээгдэхүүний оёдолчин" мэргэжлийн хоёр дадлагын газарт тус бүр нь 21.384. 150 /хорин нэгэн сая гурван зуун наян дөрвөн мянга нэг зуун тавь/төгрөгийн үнэ бүхий, 30 ширхэгтэй, иж бүрдэл, үйлдвэрлэлийн зориулалттай Япон улсын “JAPSEW” брэндийн тоног төхөөрөмжүүдийг хүлээлгэж өглээ. Үүнд шулуун болон хос, тусгай зориулалтын оёдлын машин, хэрээсний машин, кнопны машин, эсгүүрийн машин, эсгүүрийн ширээ, уурын индүү зэрэг багтжээ.

Эх сурвалж: Говь-Алтай аймгийн ЗДТГ