МИАТ-ын хэргийг маргааш шүүнэ

9-р сарын 3-нд “Дайны эрсдэлийн сан” гэх нэрийдлээр зохиомол даатгалын компаниуд руу их хэмжээний мөнгө гуйвуулан хуримтлуулж, мөнгө завшиж, угаасан гэгддэг “МИАТ-ийн” гэх тодотголтой хэргийн давж заалдах шатны шүүх хурал Нийслэлийн шүүхийн Эрүүгийн танхимд болно.

Тус хэргийн шүүх хурлын тов өнгөрөгч мягмар гарагт зарлагдсан ч шүүх бүрэлдэхүүн хэргийг хянаж үзээд материал болон бусад зүйлстэй бүрэн гүйцэд танилцах хугацаа хэрэгтэй хэмээн хойшлуулсан юм

Тодруулбал, МИАТ-ийн захирал асан Б.Эрдэнэбилэгт 14 жил нэг сар, Б.Бат-Эрдэнэд 12 жил нэг сар, Ц.Орхонд 11 жил, дэд захирлаар ажиллаж байсан Ч.Хоролсүрэнд 13 жил нэг сар, Ч.Хоролсүрэнгийн дүү, "Монголиан эйрлайнс" группийн захирал асан Ч.Суурьтогтоход 10 жил нэг сар, 1997-2007 онд “Голомт” банкны зургадугаар салбарын захирлаар ажиллаж байсан Г.Саранчимэгт 11 жил нэг сарын хорих ял тус тус оноож, битүүмжилсэн өмч хөрөнгийг улсын мэдэлд шилжүүлэх шийдвэр гаргасан билээ.