“Миний тэмдэглэлүүд” нийтлэл, “Баримт” эрэн сурвалжлах нэвтрүүлэг Балдорж шагналд нэр дэвшлээ
Энэ жилийн I, II улиралд нэр дэвших эрхээ зөвлөх баг болон шүүгчдийн бүрэлдэхүүнээс олж авсан бүтээлийн нэрс өдөр тутмын сонинд хэвлэгджээ.
Мэдээллийн алба
Сэтгүүл зүйн шилдэг бүтээлд олгодог Балдорж шагналын журамд өөрчлөлт орж, 2019 оны шалгаруулалтаас эхлэн уг шагналд нэр дэвших бүтээлийн нэрийг шүүгчдийн бүрэлдэхүүнд санал болгох эрхтэй зөвлөх багтай болсон. Балдорж шагналын шүүгчдийн бүрэлдэхүүн нэр дэвших эрхээ I, II, III, IV улиралд олж авсан бүтээлүүдээс Балдорж шалгалтныг шалгаруулна. Энэ жилийн I, II улиралд нэр дэвших эрхээ зөвлөх баг болон шүүгчдийн бүрэлдэхүүнээс олж авсан бүтээлийн нэрс өдөр тутмын сонинд хэвлэгджээ.
Тухайлбал, энэ жилийн Балдорж шагналын I, II улиралд МҮОНРТ-ийн “Миний тэмдэглэлүүд” нийтлэл, “Баримт” эрэн сурвалжлах нэвтрүүлэг нэр дэвшсэн байна.
Дашрамд дуулгахад, МҮОНТР-ийн Баримт эрэн сурвалжлах нэвтрүүлгийн баг өмнө нь Сэтгүүл зүйн шилдэг бүтээлд олгодог Балдорж шагналын дэд болон тусгай байрын шагнал хүртэж, Хэвлэлийн хүрээлэн, Германы Дойче Вэйли академиас хамтран зохион байгуулсан Эрэн сурвалжлах сэтгүүлчдийн анхдугаар уралдаанд шагналт байрт шалгарсан.
