Мирра Андреева “Ролан Гаррос”-т түрүүллээ
Францын Парис хотноо болсон “Их дуулга”-ын дөрвөн тэмцээний нэг Францын нээлттэй тэмцээн буюу “Ролан Гаррос”-ын эмэгтэйчүүдийн ганцаарчилсан төрлийн финал өндөрлөлөө.
Мэдээллийн алба
Парис хотноо болсон “Их дуулга”-ын дөрвөн тэмцээний нэг Францын нээлттэй тэмцээн буюу “Ролан Гаррос”-ын эмэгтэйчүүдийн ганцаарчилсан төрлийн финал өндөрлөлөө.
Аваргын төлөөх тоглолтод ОХУ-ын 19 настай теннисчин Мирра Андреева Польшийн Мая Хвалиньскаг 6:3, 6:2-оор хожиж, анхны “Их дуулга”-ын цомыг хүртсэн байна.
Ингэснээр Оросын теннисчин 12 жилийн дараа эмэгтэйчүүдийн ганцаарчилсан төрөлд “Их дуулга”-ын аварга боллоо. Хамгийн сүүлд 2014 онд Мария Шарапова Францын нээлттэй тэмцээнд түрүүлж байв.
“Ролан Гаррос”-т түрүүлснээр Мирра Андреева чансааны 2000 оноо, 2.8 сая еврогийн шагнал хүртжээ. Мөн тэрбээр 4928 оноотой болж, дэлхийн чансааг тэргүүлэхээр болсон байна.
