ММСЗУХ-ны Хөвсгөл аймаг дахь салбарын тэргүүнээр Д.Дамдиндорж сонгогджээ

Монголын Морин Спорт Залуу Уяачдын Холбооны /ММСЗУХ/ Хөвсгөл аймаг дахь салбарын анхдугаар чуулган энэ сарын 24-нд болжээ. Чуулганд Хөвсгөл аймгийн Засаг дарга Л.Ганболд, ММСЗУХ-ны ЕНБ-ийн дарга Н.Мөнхбаясгалан, ГБХЗХГ-ын Залуучуудын хөгжлийн газрын дарга Г.Батдорж тэргүүнтэй холбогдох албаныхан болон аймаг, сумын алдар цолтой уяачид, малчид оролцсон байна.

ММСЗУХ-ны ЕНБД Н.Мөнхбаясгалан холбооны танилцуулга, 2017 оны үйл ажиллагааны төлөвлөгөөг танилцуулж хурлыг удирдан зохион байгуулжээ.

ММСЗУХ-ны Хөвсгөл аймаг дахь салбар холбооны тэргүүнээр Д.Дамдиндорж сонгогдож, тэргүүлэгч гишүүд, хяналтын зөвлөлийн гишүүдийг сонгож баталсан байна.