Монгол, Америкийн аврагчдын хамтарсан хот дотор эрэн хайх, аврах ажиллагааны тактикийн сургууль боллоо
Мэдээллийн алба
“Увс-2026” хоёр орны хамтарсан гамшгийн үеийн бэлэн байдал хариу арга хэмжээний сургалт, дадлагын хүрээнд гал түймэр, хот доторх эрэн хайх, өндрөөс эрэн хайх, эмнэлгийн тусламж, химийн ослын үеийн ажиллагаа, дрон болон кибер, усны буюу хот дотор эрэн хайх, аврах ажиллагааны тактикийн үзүүлэх дадлага сургуулийг зохион байгууллаа.
Хамтарсан дадлага сургуульд Монгол Улс, АНУ-ын талын зохион байгуулагч, сургагч багш нараас гадна баруун бүсийн Баян-Өлгий, Говь-Алтай, Завхан, Ховд, Увс аймгийн Онцгой байдлын байгууллагын алба хаагчид, орон нутгийн удирдлага, томилгоот бүрэлдэхүүн оролцож, харилцан хамтын ажиллагааг тодотголоо.
Мөн ОБЕГ-ын харьяа Агаараас эрэн хайх, аврах 111 дүгээр ангийн алба хаагчид нисдэг тэргээр аврах ажиллагаа зохион байгуулсан нь оролцогчдын анхааралыг татаж, бүхий л орон зайд гамшиг, ослын голомтод Онцгой байдлын байгууллагын алба хаагчид үүрэг гүйцэтгэх чадвартайг харуулж, харилцан туршлага солилцсон юм.
Мөн алба хаагчид өөрсдийн болон хүч хэрэгслийн бэлтгэл, бэлэн байдлаа дээшлүүлж, гамшиг, ослын үед шуурхай, богино хугацаанд аюулгүй эрэн хайх, аврах ажиллагаа, нэрвэгдэгсдийг нүүлгэн шилжүүлэх үеийн арга тактикийг дадлага сургуулиар бататгалаа.
