Монгол брэнд “Sustainable cosmetic award” хүртлээ

Гоо сайхны “Lhamour” брэнд 2020 онд өндөр шалгууртай Япон улсын зах зээлийн бүх шалгуурт албан ёсоор хүлээн зөвшөөрөгдөж, бүтээгдэхүүн экспортоо эхлүүлжээ. Тэгвэл тус брэндийн нохойн хошуутай нүүрний суурь тос Японы "Sustainable cosmetic award" буюу Тогтвортой хөгжилд өндөр хувь нэмэр оруулдаг, байгальд болон хүнд ээлтэй бүтээгдэхүүн шагнал хүртсэн байна.

Энэ талаар тус брэндийг үүсгэн байгуулагч Д.Хулан “Салбартаа анхдагч болж дэлхийн тавцанд олон томоохон брендүүдтэй өрсөлдөхүйц бүтээгдэхүүнийг үйлдвэрлэн, эх орондоо амжилтуудыг ар араасаа авчирсаар байгаа хамт олноороо маш их бахархаж байна. Мөн ямар ч цаг үед үргэлж хамт байж биднийг дэмжиж байдаг хэрэглэгч нартаа чин сэтгэлээсээ талархал илэрхийлье” хэмээн өөрийн сошиал хуудаснаа нийтэлжээ.